Sir af dwar il-Premjijiet ta’ Prattika Tajba — wieħed mill-punti ewlenin ta’ kull waħda mill-Kampanji dwar il-Postijiet tax-Xogħol li jġibu ’l quddiem is-Saħħa tal-EU-OSHA — u l-Premju tal-Films Postijiet tax-Xogħol li Jġibu ’l Quddiem is-Saħħa.
Il-Premjijiet ta’ Prattika Tajba jiċċelebraw eżempji ewlenin ta’ maniġers u impjegaturi li jaħdmu flimkien biex jiksbu OSH tajba. Billi jiġu enfasizzati l-benefiċċji, il-premjijiet jgħinu iżjed kumpaniji jirrealizzaw li OSH tajba hija parti essenzjali min-negozji. L-entrati jintlaqgħu mingħand l-impjegaturi u l-ħaddiema Ewropej kollha, kif ukoll is-sħab soċjali, il-prattikanti tal-OSH u l-konsulenti tal-OSH.
Il-Premju tal-Films Postijiet tax-Xogħol li Jġibu ’l Quddiem is-Saħħa jingħata lill-aħjar dokumentarju relatat max-xogħol fil-festival tal-films dokumentarji Doclisboa. L-entrati għandhom iżidu l-għarfien dwar l-OSH fuq il-post tax-xogħol, billi jiffukaw fuq “il-bniedem f’dinja tax-xogħol li qed tinbidel”. Ir-rebbieħa preċedenti kienu ispirati minn firxa wiesgħa ta’ oqsma fid-dinja tax-xogħol.
